شعر العامية
شعر للشاعره القاصه--حنان الشامي--بعنوان كلام في كلام مجلة الحلم العربي الالكتروني
((كلام في كلام)
___________
قالولي الشعر فيه ألحان
سلالم -سجع-وموسيقى
وأنا رديت بلاش أوهام
ده أصل الشعر مزيكا
وأيه معنى كلام مرصوص
بإحساسه يكون مدسوس
ده معنى الشعر بحر خيال
حروفه تميل مع الأنغام
وإحساسه يكون نابع
ويتسجل في قلب ديوان
مهوالشاعر أديب نفسه
بإخلاصه يعيش عصره
ويتفاعل مع الأحداث
ويبني بكلمته قصره
وينسى هموم وحقد الناس
ويعزف بالقلم ألحان
يغني للحروف موال
يخلي القلب يتحرك
يعيش قصة حنين وحنان
وعمر الحرف ما أتغرب
ولا عاش يوم وحيد حيران
مهو الشاعر يا ناس إنسان
بإحساسه كمان فنان
مشاعره ريشه تتمايل
وترسم في الهوى أشكال
ولو صاحي..ولو نايم
بيشغل فكره بالأشعار
بنات آفكاره ملهمته
رصيده شعره وحصيلته
بيوصل للجميع عطره
مهو زهره ف كوكبته
وموهبته من الرحمن
بيشكر ربه على نعمه
ويذكر خيره ليل ونهار
شعاره الحب مش غيره
مشاعره جميله وأصيله
بيتعامل بقلب ملاك
بطيبة قلب كله أهات
ومهما قلنا أوعدنا
ده فن الشعر بحر صفات
حروف سايله مابين سطرين
وموج مايل على الشطين
بترسم لحن بألمها
تحس بحب في كلامها
وتعزف بالكلام مواويل
واحساسه اساسه حنين
مهو الشاعر ياناس فنان
بريشة قلمه يتكلم
وفكره للخيال سلم
ولو فارق حياتنا يوم
ديوانه ذكرى ومعلم
ومش ممكن يعيش مظلوم
زعل -فرحان بيتكلم
خياله لحرفه بيسلم
بقلم-حنان الشامي
بصراحه رائعه أستاذه حنان تحياتي وتقديري
ردحذف