شعر العامية
شعر غنائي ---بعنوان آه يا قلبي بقلم الشاعره حنان الشامي
آه ياقلبي_________________________
آه يا قلبي -
اللي أتوجع بكلمتين
قال نسيتك
قال-كرهتك
والنهار أنا شفته ليل
__________________________
أه يا قلبي
اللي إتوجع بكلمتين
سكن الدمع ف عنيا
والكلام كان صدمه ليا
يعني بعد الحب كله
ينقلب حبه آسيه
______________________________________
آآآآآآآآه يا قلبي
عمري ضاع في سنين هواه
عشت لحظة شوق معاه
حتى نفسي شفتها ف عيون مناه
كل لحظه عشتها سجلتها مفهاش آلام
كل لمسه من أيديه كنت حاسه بالأمان
_______________________________________________
آآآآآآه يا قلبي
كنت لما بشوف خياله
بتلهف وأجري عشانه
وتلاقيني طير وفارد لجناحيه
طار لنور وجمال سماه
واترسم حلمي معاه
ف جفون وجمال عنيه
____________________________________________
أأه يا قلبي
لما كان يوعدني مره
كنت ليلي بصحى أعد للساعات
عايزه صبح اليوم يقرب
يفرح القلب يزغرط
لما يجي في الميعاد
يبقى عايزه اليوم يطول
ده اللقا ف القرب نور
والبعاد يعني الآهات
___________________________________________
آآآه يا قلبي
لما جالي مكنتش أعرف
إنه خاين مش ملاك
خاد قرار أنه يسبني
وانكتب وياه بعاد
كات مفاجأه--أيوه فجأه
قالي أنه خلاص مهاجر
قال كرهتك---قال نسيتك
ده اللي مفهوم م الكلام
_____________________________________
آآآآآه يا قلبي
كات ف أيده لفه حمرا
سابها جنبي ف قلب سره
وأما قلت اشوف أصولها
عشت لحظة حزن مره
زاد ف قلبي بالآهات
__________________________________________
آآآآه يا قلبي
لملم الذكرى الجميله
كان كلامه كله زينه
حتى صوري كات حزينه
يومها قلت أنه مات
أيوه--ماااااااااااااات
وانكتب تاريخ وفاته
واتنصب صوان عزاه
________________________________________
آآآآآه يا قلبي
جبت نعش وفيه حاجاته
كل صوره--كل ورقه-
كل شئ كان مره جابه
والهدايا والحاجات
واندفن حبه في قلبي
واتنسى كل الوداد
___________________________________________
آآآآآه يا قلبي
كل أهلي وجيراني
عرفوا أن حبيبي مات
أيوه مات
يوم ما قالي انه راحل
يوم ما باع الذكريات
بالكلام جرح المشاعر
بالفراق قتل الفؤاد
__________________________________________
آآآآآآه يا قلبي
الوجع سكن طريقه
لما قال انه كارهني
واما ساب حزن وآهات
واما مات كل اللي فات
أما مات كل اللي فات
بقلم---الكاتبه -القاصه--حنان خلف ابوالوفا اللقب ((حنان الشامي))
القصيده موثقه--بديوان وله رقم ايداع
ليست هناك تعليقات:
إرسال تعليق