اللقاءات والحوارات
سيدات قرية ابو قتاده يتحدون انفسهم ولديهم عزة النفس المصريه-----فأم أحمد لم تمل من الحياه أو من إصابة زوجها بالصرع بل تكافح من أجلهم --مجلة الحلم العربي
بعد مرضه لاء هفضل جنبه لأخر نفس في عمري وهساعده ده
قدر ولازم أرضى به
هكذا بدأت صفيه(أم أحمد) حديثها بكلماتها السابقه
______________________________________
عندك اولاد أد أيه يا ست صفيه؟
عندي ولدين وبنت
_________________________________________________________________
ياتري أولادك سنهم أد أيه؟
احمد 17 سنه--محمد 12-علا 4 سنوات
__________________________________________________________________
و اولادك اتعلموا ؟
بصراحه لاء مش قادره المدارس والدروس نار وابوهم ثم بكت
_________________________________________________________________________________
ليه دموعك دي أحنا بالعكس فخورين بكفاحك
ماله جوزك؟؟
جوزي جاله نوبات صرع ومبيشتغلش
____________________________________________________________________________
ورغم كده مطلبطيش الإنفصال؟؟
لا طبعاا لو مكنتش أقف جنب أبو اولادي في شدته مين يقف جنبه
____________________________________________________________
محدش بيساعدكم من اهله؟؟
كل واحد عنده ظروفه ورغم ان المحل
وكمان الشقه قانون جديد وايجارهم غالي عليا
لكن ربنا بيسترها وبقدر اسد على اد ما اقدر
أنا اللي متحمله كله بس ربنا بييسر الحمد لله.
واديني نزلت أجرت محل قانون جديد
واشتغلت في الملابس
المحل اللي قدامك دي
_____________________________________________________________________
وليه أختارتي الملابس؟؟
عشان مهنه مفهاش اهانه واللي بعرف اتعامل فيها انا متعلمتش
____________________________________________________________________
أد أيه أنا فخوره بيكي هي دي فعلاً جدعانة الست المصريه وقوتها ربنا يعينك
____________________________________________________________________
نفسك تقولي أيه للسيدات ولمصر؟؟
اقولهم خدوا بالكم من ازواجكم حتى لو اصابوا بمرض
اقفوا جنبهم ومتمدوش اديكم لحد اشتغلوا
واوعوا تهينوا كرامتكم ابداا
وبقول لمصر بحبك وبكره هتكوني أجمل
برئيسك وشعبك ربنا يحفظ مصر
_______________________________________________________________________
سعدنا بلقائك يا أم أحمد
شكرا استاذه حنان احنا اسعد
وان شاء الله هنوصل صوتك للجميع
_____________________________________________________________________
كتبته---الإعلاميه حنان الشامي
_____________________________________________________________________
ليست هناك تعليقات:
إرسال تعليق