اللقاءات والحوارات
حوار مع غفير وزوجته أم أماني بنت الشرقيه تفجر مفاااااااااااااااااااجأت ( الجواز العرفي عادي )------ مجلة الحلم العربي ترحب بكم
البت عندنا بتتجوز 16 سنه والتسنين بطلوه نعمل أيه بتتجوز
عرفي
لحد ما تكمل ال18 والقريه كلها بتعرف حتى لو خلفت عادي
ونكتب الكتاب يعني تتجوز رسمي عند ال18 وتروح بيتها
وهكذا شدني الحوار فبعد أن كنتً أريد حوار عن قصة كفاح
الغفير وزوجته من أجل لقمة العيش
أثارت ام أماني مشكله أخرى وحوار آخر
______________________________________________________________________
وهكذا بدأنا الحوار
السلامه عليكم
عليكم السلام
____________________________________________________
أحنا مجلة الحلم العربي وبنركز على النماذج المكافحه اللي ذيكم ممكن نتعرف عليكم؟؟
أنا أسمي أم أماني معلش مينفعش أقول اسمي ده اسم بت من بناتي
وأنا صابر أبو أماني
______________________________________________________
أهلاً بالزوجين المكافحين
أنتم من اي بلد سامعه لغتكم اللغه الفلاحي الأصيله؟؟
أحنا من الشرقيه
_________________________________________________
أهلاً بالشرقيه وأهلها
عندك اولاد أيه يا أم اماني؟
عندي 3 بنات
معنديش ولاد هما عندي اجدع من مية ولد
________________________________________________
والله برافو رغم تقاليد الفلاحين والصعايده بيحبوا خلفة الاولاد البنين
لا االكلام ده دلوقتي بطلوه البت ذي الواد
تمام
___________________________________________
متعلمين البنات؟
أماني معاها الدبلوم واتجوزت والبنتين خدوا الاعداديه
بجوزهم صغيرين جوزنا أماني عند 16 سنه
_________________________________________________
_____________________________________
________
__
ومن هنا فجرت أم أماني المفاااااااااااااااااااااااااااااااااااااااااااااجأه
أيه أزاي ممنوع التسنين اقل سن عند 18 للجواز؟
لا مهو حضرتك حدنا في القريه بتتجوز البت عرفي
___________________________________________
عرفي ازاااااااااااااااااي؟؟
عادي عندنا البلد كلها بتعرف ولما تتم 18 تروح بيتها ويكتب المأذون
أنا بنتي أماني جابت طفله عندها سنين وكتبنالأماني رسمي بعد سنتين من جوزها بعد
ما تمت ال18 سنه
__________________________________________________
معقول ده والتقاليد دي ماشيه في قريتكم كده عادي ويا ترى في كل قرى الشرقيه
لا انا معرفش حاجه عن باقي القرى في الشرقيه بس هي حدنا عادي
والبت اللي قدامك دي برده 16 سنه وهنجوزها عرفي في عيد الأضحى
___________________________________________
بس كده بتضيعوا حقوق البنات
يا ستي يعني لو زهقها مهي هتتنازل عن كل شئ
_________________________________________________
موضوع خطير يا أم إأماني لازم فعلا اجي القريه اشوف
اتفضلي الفرح في العيد الكبير تنوري يا أستاذه
____________________________________________________
طيب نتكلم بقى عن شغلكم بالقاهره غفره
انت بقالك كتير غفير هنا يا ابو اماني؟
أيوه بقالي انا ومراتي 18 سنه مع صاحب عماره اي مكان بيبني فيه
ويملك شققه نروح معاه مكان تاني وهكذا
______________________________________________________
يعني مش مستقرين في عماره معينه؟
لا بنتنقل مستقرين مع راجل واحد وبيثق فينا
عمرنا لا نخدم حد ولا نشتري حاجه لساكن مكان ما يروح صاحب الملك نروح معاه
وبساعد بشغل بسيط برده على ادي
والست دي أتحملت معايا كتير
____________________________________________________
وأنتِ يا ام اماني مبسوطه؟؟
طول ما أنا شايفه ابو اماني بصحته الحمد لله نحمد ربنا وبناتنا بخير
________________________________________________
بناتكم ايه بس !!!!!!!
مع احترامي لكم دي قضيه تاني لسه موالها كبير
___________________________________________
طيب أيه أصعب موقف مادي عشتيه؟
أصعب موقف بنتي ولدت وانا معنديش لقمه ولا جنيه في بيتي بقيت ااكل بلح واشرب
ميه عشان اشبح وابو اماني قالي ذنبك ايه روحي لاهلك رفضت وقلتله
هتحمل الجوع بكره ربنا يعوضنا واستلفت عشان ااكل بنتي في الولاده
________________________________________________
في مواقف تاني ؟
ايوه اختي قاطعتني مكسوفه مني عشان غفيره الله يسامحها
بالعكس أنتِ ست مثاليه مجتهده وأصيله مصر وشعبها بيفتخروا بكم
________________________________________________
بس لازم نناقش موضوع جواز بناتكم وباقي بنات القريه اللي بيجوزوا عرفي عند
ال16 ويقلبوه رسمي بعد 18 عشان نحفظ لهم حقوقهم الزوجيه
وان شاء الله لنا لقاء اخر معكم وسعدنا بحوارنا معكم
السلامه عليكم
السلامه عليكم
كتبته -حنان خلف أبوالوفا(حنان الشامي)
18-7-2018
الأربعاء
ليست هناك تعليقات:
إرسال تعليق