اللقاءات والحوارات
قلب العشر سنوات وجسد الثمانين عام----------الحاجه فاطمه المسنه الباسمه رغم قهر ظروفها الماديه---مجلة الحلم العربي من أرض الواقع نتحدث
القارسه وتغطي راسها بقطعه كارتون حمايه من الشمس
لكنها تبتسم للحياه
وكان لنا لقاء مع نموذج نسائي حي ويرزق ويبتسم ويحب المستقبل
__________________________________________________
السيده الجميله دي ممكن نتكلم معاكِ؟
أتفضلي يا بنتي
__________________________________________________
أحنا مجلة الحلم العربي الإلكتروني
أهلاَ وسهلا
نتعرف بحضرتك يا حاجه؟
الحاجه فاطمه من الصعيد
____________________________________________________________________
منين من الصعيد؟
من الأقصر
___________________________________________________________________
معاكِ ولاد؟
معايا وياريت ما معايا ملهمش لازمه
معايا بنتين وولدين
________________________________________________________________________
متعلمين؟
لا ولا يعرفوا حاجه
______________________________________________________________________
وجوزك فين؟
جوزي مات يا بتي من 20 سنه
______________________________________________________________________
وأنتي عايشه هنا فين؟
أيوه الواد اللي هنا قاعده معاه في شقته هو ومراته
__________________________________________________
ومراته بتعاملك كويس؟
لاء يا بنتي أنا بشتري شوية مناديل بنزل ابيعهم مش موجوده ع طول في البيت
_______________________________________________________________________
ليه ابنك سيبك تشتغلي؟
بس يكفي نفسه ده سباك يوم يشتغل وعشره لاء
________________________________________________________________
انتِ ليه قاعده في مكان ضيق كده؟
عشان بخاف من البلديه بيخدوني
___________________________________________________________________
معقول طيب قدمي في المحافظه على كشك ولا حاجه تشتغلي فيها؟
يا بنتي أنا على أدي مش متعلمه لا اعرف اروح ولا اجي
عموما احنا هنوصل صوتك من خلال مجلتنا للمسئولين
أنك في الشارع ومحتاجه مكان تشتغلي فيه
والبلديه بيضايقوكِ
ربنا يكرمك يا بنتي ياريت
__________________________________________________________________________
بس يا حاجه فاطمه برده قاعدتك غلط جنب المترو كده
اعمل أيه معرفش مكان غيره
عموما أحنا فخورين باجتهادك الشغل مش عيب
ايوه الشغل احسن من مد الأيد لحد
____________________________________________________________________
ربنا معاكِ طيب هتقولي أيه لمصر؟
بقولها بحبك مهما كان أنتي أوينا احنا فيكي مطمنين.
________________________________________________________________________
في نهاية لقائنا سعدنا بكي يا حاجه فاطمه
وان شاء الله لنا لقاء تاني معاكِ وتكون بسمتك أكتر وأكتر_
__________________________________________________
تحرير واخراج-- حنان الشامي
12-8-2018
الاحد
ليست هناك تعليقات:
إرسال تعليق