اللقاءات والحوارات
حوار مع بنت احدى ابطال العدوان الثلاثي على مصر البطل حسن حسين ذهني الكاتبه ايمان ذهني --مجلة الحلم العربي
***حسن حسين ذهني مخترع عصا الرئيس الراحل محمد أنور السادات ((عصا التحرير)))****حسن حسين ذهني الذي أصيب في الحرب
بأثر عاهه في سبيل وطنه مصر
فهو بطل من أبطال العدوان الثلاثي على مصر
***حسن حسين ذهني مخترع صندوق زجاجات الكوكولا المقسم
****حسن حسين ذهني كاتب ادبي وفنان
واليكم حوااااااااااااااااااااااااااااااااااااار مع أبنته
(((الكاتبه إيمان حسن حسين ذهني))))
______________________________________________________
أهلاً بحضرتك الكاتبه إيمان ذهني
أهلاً بكَ أ-حنان
______________________________________________________
كل عام وأنتَ بسعاده
ميرسي يا حنان وأنت ومصر وشعبها وكل الدول العربيه بخير وسعاده
______________________________________________________
بتقولي أيه لشعب مصر في مناسبه عاشوراء؟
بقولهم كل عام وأنتم بخير وياريت تحبوا بعض وتخافوا على بعض ومتصدقوش أي
اشاعات دافعوا عن وطنا متدوش فرصه لأي أفعي يشتت شملنا والوئام إللي بينا
وبكره أحلى وانا عامله ديوان بعنوان بكره أحلى
إن شاء الله يا أستاذه إيمان بكره أحلى وأحلى
______________________________________________________
بمناسبة إقتراب شهر أكتوبر واحتفالات إنتصارات أكتوبر أحنا سمعنا حاجات جميله
عن والد حضرتك حسن حسين ذهني
عرفنا أن الوالد كان من مصابين الحرب
ممكن تكلمينا عن إصابته ومجهوده في الحرب؟
أيوه فعلاَ والدي كان في الجيش وأصيب إصابه خطيره
في العدوان الثلاثي على مصر ومكث في المستشفى لمدة سنتين
تحت العلاج لعمق اصابته
______________________________________________________
وياتري اصابته ادت لأيه؟
بابا عملوا له عملية بتر الركبه
وأصيب بعجز جسدي منعه من القيام بمهامه العسكريه مره أخرى
وكسر في الحوض وطلع معاش مبكر في سن صغير
______________________________________________________
طب ممكن نعرف كان أيه دورالدوله معاه بعد تضحيته في سبيلها؟
هو طبعا كان المفروض تكريمه تكريم يليق به لكن في الوقت
ده ظروف البلد كانت صعبه فصرفوا له مكافأه ورفض استلامها
______________________________________________________
طب الدوله عينته في أي منصب آخر؟
أيوه الشركات في الوقت ده تم تأميمها وتم تعيين والدي مدير لشركة كوكاكولا
وقام بإنجازات شتي في الشركه واخترع صندوق مقسم لوضع الزجاجات به حيث كان
يتم وضعها في صندوق غير مقسم لكل زجاجه على حده وكان الهالك كتير بابا فكر
في تقسي الصندوق الي عدة عيون كل عين لكل زجاجه وبالتالي قلل الفاقد اثناء
النقل والحموله
______________________________________________________
واضح انه كمان بيحب عالم الإختراعات؟
أيوه بابا كان شغوف بإختراع كل شئ جديد ومفيد
أخترع دبوس عليه علم مصري في الوقت ده طلاب المدارس
كانوا بيستخدموا الدبابيس كشاره لمصر
ولحسهم على الإنتماء الوطني منذ نعومة الصغر
وكان مكتوب عليه الاتحاد والنظام والعمل وده كان شعار مصر
في ذاك الوقت
الله الله حقيقي والدك كان رجل عظيم رغم عجزه الجسدي
لم ييأس واتجه الى اختراعات مفيده جداا للبلد
أيوه بابا كان عنيد وطموح ومؤمن بقضاء ربنا
الحمد لله
عشان كده ذاك الرجل الوطني العظيم أنجب إمرأه وطنيه عظيمه مثلك
أشكرك ا-حنان
______________________________________________________
وهل له مساهمات أخرى؟
أيوه بابا كان من المشاركين في مشروع الإصلاح الزراعي
وصاحب فكرة فيلم الأرض للفنان محمود المليجي
وكان على علاقه قويه بالفنانين واتعمل فيلم رائع عن الإقطاع
______________________________________________________
هل الوالد كان كاتب؟
أيوه كان كاتب قصه جميله جداا اسمها الأرض الطيبه
وكان على علاقه جميله مع بعض الكتاب مثل فكري أباظه ويوسف السباعي
صلاح منصور وكان فنان في كل شئ
وكل اعماله وطنيه وانا فخوره جدااا ان ابي هو حسن حسين ذهني
واحنا ومصر كلها تفتخر بمثل ذاك الأب الرائع الوطني الفنان الكاتب المخترع
______________________________________________________
يعني حضرتك أخذتِ حب الكتابه من والداك؟
أيوه فعلاا
هو قدوتي في كل شئ وأنا بكمل مسيرته الوطنيه في كل أعمالي الأدبيه
ابن الوز عوام يا استاذه ايمان
ايوه فعلاا يا حنان ميرسي لكِ
______________________________________________________
طب أيه دور والدتك معاه أكيد وراء كل رجل عظيم إمرأه عظيمه؟
الحمد لله والدتي وقفت جنبه في عجزه البالغ الناجم عن الحرب
ولم تكل او تسأم ووقفت جنبه كزوجه
وكأم عظيمه حتى رحل عنا يوم 18-11-1965
ووالدتي من عائلة النحاس .
______________________________________________________
استاذه ايمان سمعنا ان والدك مخترع عصا التحرير
ودي علامه مميزه في تاريخه الوطني عشان كده
قلنا نتكلم عنها برحتنا قبل نهاية لقائنا مع حضرتك
أيوه هو أخترع عصا التحرير كان الجندي بيمسكها في الجيش أو الشرطه
ممكن توصفيها؟
هي عصا خشبي من أجود أنواع الخشب وفي نهايتها قبضة يد تدل على القوه والإقدام
ملفوف حولها علم مصر ومكتوب عليه الإتحاد والنظام والعمل ---شعار مصر في ذاك
الوقت هذه القبضه مصنوعه من عدة أنواع مثل(( البلاستك-الأبانوس-الفضه-الذهب
كل نوع يمثل لرتبه للجيش من أول الجندي المقاتل الى الفريق وكلااا طبقا لرتبته
ومركزه الوظيفي وقد تم إهدائها الى ملوك ورؤساء العرب في ذاك الوقت ووالدي
اخذ احقية الإختراع برقم مسجل.
حقيقي ده كان انسان عظيم وطني مخلص رغم عاهاته
رجل فعلا عظيم
ميرسي يا حنان
______________________________________________________
في نهاية لقائنا بنشكرك وبنفتخر بوالدك ذاك الوطني
--المخترع--الفنان--الكاتب الرائع وكل عام وحضرتك بخير
مع خالص تحياتنا العطره لكِ ولوالدتك رحمه الله
وانتم طيبين ومصر كلها بسعاده وميرسي يا حنان انا اللي أسعدني لقائك معي
ميرسي الكاتبه الجميله ايمان ذهني ونتمنى معك العديد من اللقاءات ان شاء الله
السلامه عليكم
السلامه عليكم ا-حنان
______________________________________________________
تحرير-واخراج صحفي -الصحفيه حنان خلف أبوالوفا
(حنان الشامي)
22-9-2018
______________________________________________________
تحياتنا للمصمم للصور وفنان الجرافيك (عبد الغني))
اللقب
(الفنان القبطان القبطان )
مسئول الدعايه والإعلان ومدير العلاقات العامه
بالمجله
*************************************
مع تحيات اسرة
مجلة الحلم العربي
_________________________________________________________________________________
_________________________________________________________________________________
ليست هناك تعليقات:
إرسال تعليق