شعر العامية
سجال شعري بين الشاعر رضا عباده والشاعره حنان الشامي (مجلة الحلم العربي)
حنان الشامي*
غريبه الناس.
تبيع الحب واللمه
وتنسي الأخره وبهمه
وتستكبر ع غيرها
تخبي حبها وخيرها
__________________________________________________________________
رضا عبادة
تخبي حبها وخيرها
ونيجي نحب يوم غيرها
تعيطلي وتتمسكن
وانا باشرب لبن زيرها
__________________________________________________________________
حنان الشامي
بلاش تشرب لبن زيرها
ولا ببسمه تقابلها
يرق القلب يواسيها
يصدق العيون فيه
__________________________________________________________________
رضا عبادة
يصدق العيون فيها
اكيد اهبل كمان عيل
تمللي الصدق ينجيها
واهو كداب وبيريل
_________________________________________________________________________
حنان الشامي
مهش كداب ولا يريل
ده بس طيبته بتلين
وباقي ع الهوى دايماً
ومش عايز يكون عيل
______________________________________________________________________
رضا عبادة
تبيع الحب واللمه
وتعشق نفسها بالذات
وتحضن يأسها ضمة
تقول الحلو سابني ومات
__________________________________________________________________
حنان الشامي
يموت عيل وله هفوات
واضح انك متعرفش
مفيش بين القلوب مسافات
ولا مره هيجرني
ولا ينسى ما بينا حاجات
صديق مخلص لكن غيره
غسل مخه ببحر آهات
_____________________________________________________________________
رضا عبادة
يابحر آ هات ومتعبي بدموع العين
اناراح ابات واشكيلك بقلب حزين
تنام حنون وانا اسهر اناجي فيك
تصحيها وتسألها منين على فين
__________________________________________________________________
حنان الشامي
تصحيها وهي دموعها حيرانه
وتشكي لمين في دنيا آسيه غداره
ده طبع الناس وشوش خافيه ورا ستاره
وهي وحيده وسط الخلق محتاره
_______________________________________________________________________-
رضا عبادة
لاتتحير ولاتغير وانا جنبك
حبيب القلب ياصغير كتير قلبك
ماتيجي نحب ونسامح جميع الناس
ونبدر في النفوس اسمك مع حبك
_______________________________________________________________
حنان الشامي
نبدر في النفوس اسمك مع حبك
ده اسمي م الآسى باكي
وطبعي كان معاه هادي
لكن دلوقتي أنا اتغيرت
بقيت مخلوق ومش عادي
_____________________________________________________
رضا عبادة
اكيد قلبك كتير مجروح
عشان قلبي صبح مدبوح
وست الحسن غفلانة
عن اولادها وفين بتروح
______________________________________________________________
رضا عبادة
تكونش الحلوة جِنِّيّه
وعايشة ويا انسية
تقول شرق يروح غرب
ويرجع تاني برزية
_______________________________________________________________
حنان الشامي
دي ست الحسن انسانه
بطبع ملاك وغلبانه
لكن بين البشر عايشه
وحاسه بخوف وندمانه
___________________________________________________________
رضا عبادة
كل الخلايق من الطين
وانت معجونك بلاستيك
كل الحبايب اكل تين
وان وحدي ماسك لاستيك
_________________________________________________________________
حنان الشامي
دي لو جنيه. راح تسعد
بسحر الناس قلوب تسهد
تعيش بين الخيال وتدوب
لكل حقيقه راح تمسح
-______________________________________________________________
رضا عبادة
وليه ياحبيتي ندمانة
وساعة الجد عيانة
ماتيجي نحب بعضينا
ونبعد جارة كارهانا
_____________________________________________________________
حنان الشامي
مهي الجاره كانت صاحبه
وساعة الجد مشت ساحبه
سبت عينها ف قلب البيت
وصاحبتها كانت هبله
________________________________________________________________
رضا عبادة
حقيقة ايه حاتمسحها
حنان فوقي من الكوابيس
دي واقفة بعيد وتمساحها
اكل قوتها وسابني فطيس
_________________________________________________________
حنان الشامي
وقلت كتير ومسمعتش
غريبه الناس ومنفعتش
قالوا مجنون..وكتر قول
فقلت اسكت ومنجحتش
___________________________________________________________
رضا عبادة
عمري مااكون بكاش
اوحتى باتدلع
شايل كما الاوناش
والقلب حايولع
_____________________________________________________________
بقلم كلا من __
الشاعره حنان الشامي
__________________________________
الشاعر رضا عباده
___________________________
تحرير واخراج صحفي--حنان الشامي
الوسوم: شعر العامية
ليست هناك تعليقات:
إرسال تعليق