شعر العامية
يعني خلاص مساجله شعريه تأليف كلاا من الشاعر محمود بكر والشاعره حنان خلف (حنان الشامي) مجلة الحلم العربي
محمود
((( يعني خلاص))
**************
بعدك عني خلاص بقى عادي
قلبي خلاص من جواه فاضي
أصله أتعلم لما أتالم
يقدر يألم ويكون راضي
بعدك عني خلاص بقى عادي
____________________
حنان
بعدك عني خلاص علمني
أنك دايماَ كنت ظلمني
قرر قلبي ينسى لطيفك
مهما رجعت وقلت سامحني
____________________
محمود
قلبي أتعلم وبيتأسف
أنه هواكي ودايما يحلف
وأنك لو سبتيه وبعدتِ
صاين وعده لا يمكن يخلف
___________________________________
جاي دلوقت قال وبيحلف
بعد ما كان آسي بيتأسف
عينه بتبكي وجفنه بينزف
أنسى أسامحك مش هستحمل
أنا قررت أسيبه يتألم
يندم عمره ومش راح أسلم
بس ياريت قلبك يتعلم
جرحه لقلبي لسه معلم
______________________________________
محمود
قلبي بيعرف أنك دنيا
وانك سهل تسامحي ف ثانيه
ولا يقدرش يكون مع غيرك
ما أنتي الفرحه وكل الدنيا
________________________________________
حنان
خايفه اسامحك يرجع جرحك
واندم ع احساسي بذنبك
هوعد قلبك اني هفكر
يمكن بكره أتغير واقدر
وانسى الماضي وارجع ودك
عيبي الطيبه
خصله حقيقي فيا غريبه
قلبي اتعود انه يصافحك
شاف ف عينيك سعدك مع فرحك
بكره يقرر انه يسامحك
________________________________________
محمود
بعدك دوقت الحلو مرار
بعدك حول ليلي نهار
واما بعدتي حس بلهفه
بس الوقت قدر يختار
فرحان ورايح ليكي
أصل حياته جوه عينيكي
________________________________________
حنان
كنت صراحه بدعي ف ليلي
ترجع ليا كمان تحاكيني
همسك-صوتك-حتى عنادك
كل الكون دايماا يواسيني
واما رجعت العالم غنى
رقص الطير ف سمانا الحلوه
عشنا ف جنه وزدنا بقوه
________________________________________
محمود
لجل عيونك تبقى الفرحه
حتى الدنيا عروسه بطرحه
وارضنا ورد وياسمين طارحه
خلي عيوني ف عينك سارحه
___________________________________
حنان
ابدا يله لصفحه جديده
خلي حياتنا بلونها سعيده
خليك جاري ......
وبلاش تقطع حبل وصالي
هتلاقي كل الكون يحلالي
تشغل فكري وكمان بالي
_____________________________
محمود
قلبي خلاص هيعيش وياكي
فرحان اوي هيمان ف هواكي
قمر الليل بيضوي لقلبك
حسيت اني طير ف سماكي
________________________________________
حنان
حلو كلامك
بس مهم كمان افعالك
اوع ف يوم ترجع تظلمني
او يرجع هجرك وخصامك
يله نجدد كل الفرحه
ننسي لحزن وأهات جارحه
بكره الكل يقول وينادي
قصه جميله بعطرها طارحه
___________________________________
مساجله شعريه بين
الشاعر الغنائي محمود بكر
الشاعره-القاصه-حنان الشامي
________________________________________
تحرير واخراج صحفي
حنان خلف((حنان الشامي))
ليست هناك تعليقات:
إرسال تعليق