قصيده وامته بقلم الكاتبه--حنان الشامي

‏

((وأمته))

******
وأمته القلب يطمن
ويضحك ذي طبعه زمان
ده كان مبسوط وعمنول
كتب فرحه بغصن أمان
.
.
وأمته
وأمته الدنيا تضحكلي
وترجع ليا ذي زمان
والقاي النجم بقى شكلي
وأعيش في بحور حنين وحنان
.
.
وأمته
وأمته الناس هتتغير
وترجع حلوه ذي زمان
قلوبنا خلاص بتتحير
ومش لاقيين ما بينا امان
.
.

يا طفل جوه نفسي غريب
بأحلامك وحيد وعجيب
ونفسك تخرج الدنيا
لكن عايش بحلم مريب
.
.
يا عين مليانه بدموعي
مليتِ الحزن بربوعي
وحمل تقيل علي كتافنا
وكسر في روحي وضلوعي
.
.
لأمته
لأمته يا فكر بتحاور
وساهد عيني ومجاور
ده حتى النوم مخاصمنا
ولفف حلمي بأسوار
.
.
لأمته
لأمته يا شمس هتغيبي
وليلي في الهوى نصيبي
وخيط الفجر متحير
وحزني زاد مع لهيبي
.
.
كتبت بقلمي أحزاني
شطبت لكل أحلامي
رجعت لوحدتي تاني
وزاد هجري مع خصامي
.
.
يارب الكون يا سامعني
رفعت عينيا بدموعي
وشاكيالك أنا وجعتي
لكن بك الامل راجع

وبكره الدنيا تفرحللي
لكن بك الأمل راجع
وبكره الدنيا تفرحللي

.

بقلم --الكاتبه--حنان الشامي