اللقاءات والحوارات
قصه كفاح واقعيه------حكايه عم زاهد--عجوز الاسكندريه--مجلة الحلم العربي
عجوز الاسكندريه يرفض مد ايده للآخرين يسعي جاهدا من أجل كرامته لتوفير لقمة العيشوالتقينا نحن مجلة الحلم العربي بعم زاهد واجرينا معه تلك الحوار
____________________________________________________________
الراجل المصري الشهم الذي يحمل شوال ثقيل علي ظهره
الضعيف ممكن نتعرف؟
أنا زاهد
_____________________________________________________________
زاهد ده أسمك يا عم زاهد--لاء بس أنا سميته لنفسي من وقت ما سبت بلدي وجيت هنا
واشمعنا اخترت لنفسك اسم زاهد؟؟
عشان زهدت اولادي اللي زهدوني وبلدي والدنيا كلها وجيت هنا
______________________________________________________________
انت منين يا ----عم زاهد مش هنضغط عليك تقول اسمك الحقيقي؟
أنا من الصعيد
_______________________________________________________________________
وليه جيت اسكندريه؟
عشان كنت عايزه ابعد مراتي ماتت وعيالي اتجوزوا وقاعد محدش بيسأل عني
لا معايا شهاده ولا حاجه كنت ارزقي يا بنتي علي باب الله
جيت هنا مع نفسي. اشيل هم نفسي
__________________________________________________________________________
شيفاك ماشي علي الشاطئ بتاخد حاجات معينه في الشوال؟
أيوه يا بنتي بروح شواطئ كتير اجمع الأزايز الفاضيه البلاستيك
وعلب الكنز وبروح ابيعهم عشان الاقي لقمة عيش مين هيشغلني في السن ده
_______________________________________________________________________
علي فكره إحنا فخورين جداا بك وباجتهادك وكرامتك اللي
مسمحتش تمد ايدك لحد؟
الحمد لله علي نعمه الصحه يا بنتي
_________________________________________________________________________________
في نهايه لقائنا بنشكرك فعلا انت نموذج مكافح وقدوه لينا كلنا
اشكرك يا بنتي الله يحفظك ويوفقك
____________________________________________________________________________
مع السلامه يا عم زاهد
مع السلامه يا بنتي
_________________________________________________________________
_________________________________________________________________________________________________________________________________________________________
اخراج وتحرير الاعلاميه--حنان الشامي
13-2-2019
ليست هناك تعليقات:
إرسال تعليق