شعر العامية
مساجله شعريه(بعنوان مجادله)----- بين الشاعر رضا عباده والشاعره حنان الشامي اثناء امسيه الشاعره نجاح علي
مساجله شعريه بقلم كلا منالشاعر رضا عباده والشاعره حنان الشامي
مجادله
_______
حنان
طب ليه تجادل ف الكلام
هو العناد طبعك كدا
وقعت قلبي ف الغرام
عيشته لك كبش الفدا
_________________________
رضا
عيشته لي كبش الفدا؟؟؟؟
دا كلام كبير من دا ودا
لو كان هواكِ صحيح اكيد
راح تيجي يوم دار الرضا
__________________________________
.
يا بني الحياه مش فلسفه
والا رسمه ذي الهندسه
والا امتحان يوم واتنسي
اصل الحياه دي مدرسه
.
__________________________________
رضا
قلتِ الحياه دي مدرسه
والله إنتِ كويسه
وفي الحياه كل الدروس
قلبك يا حلوه مؤسسه
__________________________________
حنان
بطل عناد وقت العتاب
وارجع وحن للي فات
كل اللي شاف فيك الهدوء
بيحسبوك انك ملاك
____________________________________
رضا
بيحسبوني اني ملاك
كتر الحساب راح يتعبك
والقرب منك كان هلاك
روحي يا شابه يغلبك
________________________________________
حنان
.
أسأل صحابك والجيران
كيد النسا ذي الحيتان
ومهما كات مجادلتك
حواء هتبقي مهما كان
__________________________________
رضا
حوا هتبقي مهما كانطبعاً أكيد وتزيد حنان
نسعد كتير جداً قوي
واهي راح تصيبنا بالجنان
________________________
.
.حنان
الحب مش حبه كلام
والا شعر تكتب أو ديوان
الحب مبني ع السلام
لكن معاك مفيش أمان
____________________________________
رضا
لكن معايا مافيش امان
طب غوري وانسي مودتي
اصلك كده دايما حنان
وخساره فيكِ محبتي
___________________________________
حنان
.
حوا بتهوي حضرتك
بتزيد معاها معزتك
ولو رحلت يوم وكان
هتلاقي صورتي ف سكتك
_________________________________
صورتك لازم تبقي ف قلبي
جوه النن كمان محفوره
اوعي القلب ف يوم يلعبي
تبقي الصوره يا ناس مكسوره
___________________________________
بقلم والقاء كلا من حنان الشامي وأ خي الشاعر رضا عباده
تحرير واخراج صحفي--حنان الشامي
ليست هناك تعليقات:
إرسال تعليق