هو.... وهي
#مفاجأة_المساء
سجال جديد موثق
مين هيعرف.. حوار شعري بين كلاً من..
الأدبية الشاعرة/ ايمان ذهني
والاعلامية المتألقة الشاعرة
حنان الشامي
هي، وهو...
_________
هي..
مين هيعرف
أن قلبي لك حبيبي
وأنك أنت من نصيبي
ف الحياه طيفك معايا
قلت فيك أجمل حكاية
هو ....
قولتي فيه أجمل حكاية
لما بصيت ليكي مره
قلبي دق بكل قوه
قولت أن الحب زاره
واتكوى القلب ب ناره
هي...
اتكوى القلب ب ناره
واترسم ف القلب جوه
دا أنت حبك ليا قوة
في الأدب زي النبوة
وب حنانك... وب غرامك
شفت فيك كل الأبوة
هو...
شفتي فيا الأبوه
مين هيعرف..
أن كل العمر لِكي
اللي فات،، واللي جاي
حب قلبي وفي وريدي
ضحكتك.. همسك معايا
دا اللقا كان يوم منايا
هي....
اللقا كان يوم مناك
مين هيعرف..
أنك أنت كل حاجه
وأن حبي لِك زيادة
شفت فيك روحي وحياتي
واللقا ف قربك سعادة
هو....
واللقا ف قربي سعادة
شفت صورتك ف المنام
وف دقايق وف ثوان
كان لقانا يوم وئام
قلبي قال أجمل كلام
عشت وياكي الغرام
هي....
عشت ويايا الغرام
ما أنت حلمي ونور عيوني
بُص هتلاقي ف عيوني ميت سؤال، وميت كلام
اترسم حبك في قلبي
عشت وياك السلام
هو....
مين هيعرف...
عشتي ويايا السلام
ضم قلبي يله ضمه
خلي كل الدنيا حلوه
كل عاشق يفتكرنا
يكتبوا ف غرامنا غنوه
هي....
يكتبوا ف غرامنا غنوه
غنوتي انت حبيبي
اترسم طيفك في فؤادي
مين هيعرف....
بينا كل الكون هيفرح
بدعي ف قربك وف صلاتي
هو
يا ملاكِ خفي عليا
الكلام الحلو ليا
ما أنتي أجمل زهره ليا
زهرة م الرحمن هديه
هو وهي معاً.....
يله ننشر السلام
نرسم الحلم اللي كان
ننسى للاحزان كلام
ننسى أي هموم زمان
حبنا مربوط ف روحنا
طيرنا بجناح اليمام.
الحنان عايش ف بوحنا
والأمل يعني السلام
والأمل يعني السلام
.
.
الشاعرة..الصحفية
ايمان ذهني
الشاعرة.. الاعلامية
- حنان الشامي
ليست هناك تعليقات:
إرسال تعليق