مجلة الحلم العربي في حوار مع فنان التنميه البشريه--د حسن سليمان--رئيس التحرير حنان خلف ابوالوفا
عندما يجتمع الفن التشكيلي مع التنميه البشريه ماذا يحديث؟؟يكتمل الشكل الجمالي للحديث ويروق للجميعوها نحن في حوار مع كنز بشري من الكنوز المصريه الراقيه غزيرة العلم والثقافه.....شخصيه عظيمه جمع بين الفنان التشكيلي بذوقه الرفيع....وإخراجه بعلم التنميه البشريه ولمس بريشته وعطر حديثه قلوب جماهيره....ليتعايشوا داخل القوقعه السحريه للتنميه البشريه ويتخيلوا هذا العلم داخل لوحه فنيه رائعه مع فنان ود. راقي....د. حسن سليمان
كتبته --حنان خلف أبوالوفا
أهلاا دكتور حسن ؟؟
أهلاا أستاذه حنان
________________________________________________________________
يسعدنا الحوار مع حضرتك
بعد سماعي المحاضره الرائعه لك في ظل ندوة المباداره الثقافيه للإبداع والثقافه؟؟
أشكرك ده أنا كنت عايز اتكلم اكتر بس عشان اسمع الشعراء تتعوض في محاضرات تانيه
يسعدنا يا دكتور احنا عايزين الجميع يستفيد من بحر علومك في فن التنميه البشريه
______________________________________نعرف الناس بفنانا الجميل د. حسن؟؟
سليمان خريج تنميه المهارات وتطوير الذات--فنان تشكيلي ملم بالتربيه والتعليم والوسائل التعليميه ومعني بشكل خاصبموضوع المهارات يعني تطويع المعارف الحياتيه وتطبيقها في الحياه بغرض طبعاا تطوير الذات واكساب مهارات يعني تحسين الأداء
________________________________________________________________
طب حضرتك يا دكتور لفت نظري ببعض الكلمات في تعريفك قلت انك فنان تشكيلي ومحاضر تنميه بشريه
هل المجالين بالنسبه لك متقاربين أم هناك علاقه بينهما؟؟
بالعكس العلاقه قويه الفنان التشكيلي لأقرب انسان بيكون حساس يستوعب الإدراكات البصريه واستاذ التنميه البشريه عمله قائم على تطوير الذات هو أقرب من يوظف الجمال الموجود في أي شخصيه ويطلعه للجمهور فأنا حاسس فعلاا الإثنين واحد
___________________________________________________________________________
طب يا دكتور أنا من وجهة نظري بأعتبر ان محاضر التنميه البشريه د. نفساني ما {ايك في تلك المقوله؟؟التنميه البشريه علم نفس فعلاا ملم بلغة الجسد وعلم بالكيفيات وعلم ملم بالتسويق فهو علم جامع كبير وبعدين أعتقد هو العلم الوحيد اللي طول حياتنا بنمارسه من بداية شغلنا هو علم بيهتم وفعلا مرتبط بالنفس البشريه زي ما قلنا من شويه انا بزود قيمتي من خلال مجموعة مهارات حياتيه
__________________________________________________________________________
خلال عملك في المجال الرائع ده هل حضرتك قابلت حالات غير مؤهله للتعامل مع الأخرين ومن خلال المحاضرات شفت تغيير ونتيجه؟
معظم الشباب مشكلتهم عدم التواصل أنا مبعرفش أتواصل مع الأخرين ازاي أنا بخاف من المديرين بتوعي أنا مكسبش ثقة الناس-- أنا نفسي أكون شخص مؤثر وشخص محبوب فدا كله اعتقد أنها مهاره مهمه لازم كل واحد يتعلمها ازاي يقدر يأثر في الأخرين أزاي يستخدم مهاراته الحقيقيه --لغة جسده--صوته--أزي يكون عنده هدف صح ويقدر يوصله وأزي كمان يقيم الهدف بتاعه--افتكر أن دي مهارات تهمنا كلنا بغض النظر عن تخصصنا
_______________________________________________________________________
طب ممكن نعرف قصة المحاضر الفنان التشكيلي ووجه الجمع بين المهنتين؟
أولا أنا خريج تربيه فنيه وكل احترام للكليه لأني أتعلمت فيها مهارات كتير أوي وبعد كده عملت دراسات في الوسائل التعليميه لأن المعلم حتى في أدائه لازم يرتكن الى وسائل تعليميه تجذب طلابه
واهتمت بالعلم ده جداا قبل دراسته من وأنا طالب كنت بمارس دوري كمحاضر تنميه بشريه وبعد كده أتخصصت في تدريب المعلمين أن المعلم يمتلك مهارات غير المحتوى العلمي يعني مجرد تلقين العلم والتدريس مش كفايه لازم كمان اتقات العلم مع جذب الطالب له
____________________________________________________________________________
بصراحه هو كلام جميل حضرتك شايف ان الكلام ده بيطبق بالواقع
أحنا شايفين يا دكتور أن للأسف مفيش تطبيق على وجه الواقع أمته هنشوف معلم يجمع بين اتقانه كمرسل للعلم وبين وسائل جذب نفسيه لطالبه حقيقي لو اتطبق حاجات كتير هتتغير خاصة في ظل منظومه مهمه ذي المنظومه التعليميه مفيش اهتمام بالطالب ككادر بشري مهم هيحقق لبلده كتير
على فكره أنتي بتتكلمي بذكاء شديد جداا بس أنا هردلك السؤال
أتفضل
وأنتي طالبه في دكتور بالجامعه أثر فيكي حتى الأن؟؟
أيوه في دكتور محاضرته تشعر فيها برتابه وخمول وبالتالي عدم اكتراث للماده العلميه من جانب الطالب
لكن في دكتور تاني شرحه سلس وكنا بننتظر محاضرته
تمام أنا حالاا طبقت معاكِ علم التنميه البشريه فعلا أنتي أتأثرتِ بناس بناس وشرحهم وناس تانيه متركوش في نفسك أي أثر بسؤالي لكِ البسيط ده أستخدمنا العلم اللي أثر فيكِ حاول يوصلك أما الدكتور التاني اكتفى بتلقي الماده بإكتئاب كواجب عليه فقط أحنا بنقول دلوقتي ان التنميه البشريه للمعلمين مش كفايه قراءة كتب لازم يكون عندك وسائل لتوصيل المعلومه
________________________________________________________________________
ايه النصيحه اللي تحب تنصحها للناس؟
بقول لكل فرد أوع تحرم نفسك من اي تجربه اي تجربه هتطلع مستفيد منه
__________________________________________________________________________
الكلام مع حضرتك في مجال التنميه حقيقي ممتع وملوش نهايه
حضرتك شايف أي سؤال طرأ في ذهنك ولم يتم طرحه في هذا اللقاء العلمي الشيق؟
السؤال اللي بطلب من كل فرد يسأله لنفسه أمته أقدر أقيم نفسي؟
هل أقيم نفسي بعد ما حضرت محاضرات --هل أقيم نفسي بعد قراتي لكتاب ما الاجابه --لا
أنا هقيم نفسي بعد تجربه
__________________________________________________________________
طب يا الدكتور ليه الإكتئباب --التحرش--الإنتحار حالات أنتشرت بنسبه كبيره ما تقييمك لذلك في ظل تخصصك كمحاضر تنميه بشريه ؟
الجانب الإيجابي في شخصية أي فرد له علاقه بتصرفاته دايماا أنظر لإيجابياتك ودعمها وأعمل تقيم ثم تقويم للذات البشريه
____________________________________________________________________________
في نهاية لقائنا بنشكر حضرتك د. حسن ونتمنى أن الجميع يستفيد ويطبق وجهات نظرك الرائعه والناس كلها تهتم بالتنميه البشريه كعلم له ذاته وايجابياته فهو من علوم تطوير الذات البشريه
أشكرك يا دكتور
__________________________________________________________________________
16-10-2016
الأحد
رئيس مجلس إدارة-- مجلة الحلم العربي الإلكتروني--حنان خلف أبوالوفا
ليست هناك تعليقات:
إرسال تعليق