اللقاءات والحوارات
مغامرات عمو رضا (ابو سيد)وحوار ساخن--استروجي الموبيليات يسوق توك توك وورائه مغامرات---مجلة الحلم العربي
والله انا مش سواق توك توك
دي مغامره بغامر بها في حياتي
انا استروجي موبيليات
ومن هنا بدأ مدخل الحوار
رأيت بسمه داخل عيون حزينه
___________________________________________________________________________
وماله بس يا عم رضا سواق التوك توك
اي عمل شريف مش عيب
أيوه يا استاذه بس الناس بتفهمنا
غلط مش كلنا ذي بعض كل واحد له ظروف
__________________________________
طيب وانت ليه اشتغلت سواق توك توك
انا كنت من وانا عندي 7 سنين
بشتغل في تلميع الموبيليات في كفر الشيخ بلدي
واستقرت سنين في دمياط بس الزمن
حوجني واضطريت اساعد في المعيشه
________________________________
هو انت عايش في القاهره ولا بتيجي
من بلدك كفر الشيخ عشان شغلك
لا انا عشت واتجوزت هنا
بس جبت 4 اولاد ولدين وبنتين
ولد الله يرحمه بقى وولد برده الله يرحمه
_________________________________
مش فاهمه ممكن توضح كلامك-
-قصدي ولد مات وهو عنده 7 شهور بدون اي اسباب قدر ربنا
والولد اللي سندي عنده نسبة اعاقه مش اي حد يتجوزوه
حصله حادث اثر على مخه عصبي جداا ولفيت به ملوش علاج
والبنتين لسه معايا بنت كل ما تتخطب ميحصلش نصيب
وبنت قاعده مجلهاش لسه بن الحلال
____________________________________
انت علمت حد
بصراحه لاء
هم مش غاوين تعليم
__________________________________
معقول كلهم مش غاوين
للاسف ايوه يا بنتي
____________________________________
طيب ومهنتك الأساسيه تلميع الموبيليات يعني سبتها
لاء دي في دمي لما حد بيعوز يدهن موبيليا
بروح
والحمد لله على نعمه
_____________________________________
ايه الموقف اللي مرحش من دماغك
ولسه بتفتكره رغم مرور سنين عليه
اصعب موقف موت ابني الرضيع رغم انه كان مجرد شهور
لكن اتعلقت به وكان قمر فعلا ذي ما قالت امي رحمها الله
ده يا بني ابن موت
____________________
موت ابنك ده قدر
اما مهنتك انا مش معاك اكيد ده عمل
شريف واجتهاد منك
______________________
طيب في نهاية لقائنا احنا سعداء بك يا عم سيد وباجتهادك
وعايزينك دايما مبتسم كده
حقيقي استمتعنا بتفائلك يا عم رضا
وبسمتك المرسومه
رغم كمية الحزن اللي في قلبك
ونتمنى لك ولبناتك ولابنك الوحيد كل سعاده
_____________________
اشكرك يا بنتي
ان شاء الله نقابلك مره تانيه
وتعزمنا على فرح اولادك
___________________________________________________________
من عنيا ياسلام--ربنا يسعدكم
كتبته---الاعلاميه--حنان الشامي
26-3-2018
الإثنين
ليست هناك تعليقات:
إرسال تعليق