اللقاءات والحوارات
(أجدع ستات) حوار على أرض الواقع مع عاملة النظافه النشيطه صفاء --مجلة الحلم العربي
يتحدي صعوبة المعيشه مع
والدته المجتهده الحاجه
صفاء
وحوار على أرض الواقع
من أحدى مراكز الشباب.
_______________________________________________
نممكن نتعرف بالست المصريه الجميله؟
أنا صفاء حافظ من كفر الشيخ بس عايشه هنا في القاهره في صفت اللبن.
______________________________________________________
لحظت تفائلك وابتسمامه جميله على وشك رغم أني شايفاكِ
طول الوقت بتقوم بأعمال النظافه
أيوه يعني أكشر ولا أزعل ليه يا أستاذه الحمد لله أحنا أحسن من غيرنا
____________________________________________________________
معاكِ ولاد أد أيه يا حاجه صفاء؟
معايا 3 اولاد محمد وفارس وفهد وبنت الحمد لله خلصت تعليم
انا اتحرمت من التعليم مبعرفش اكتب ولا أقرأ
شباب واخرهم الواد الصغير فهد-ده متبهدل معايا في الشغل عمره 6 سنين.
_____________________________________________________
ووالدهم موجود؟
أيوه بس أرزقي يعني على باب الله يوم يشتغل وعشره لا
__________________________________________________
بتشتغلِ هنا من زمان يا حاجه صفاء؟
لا بقالي شهرين بس هسيب المكان كل يوم دمعتي على خدي.
______________________________________________________
ليه كدا؟ حد مضايق؟
أيوه الشباب اللي مأجرين الكافتيريا هنا الا انا بشتغل فيها عامله بيشخطوا
مش مراعين اني معايا في سنهم اصلاتوكمان بأخد 30 جنيه يوميه مش شهري
نصفهم بيضيع مواصلات يا بنتي. وأنتِ عارفه ميعملوش حاجه الأيام دي وواقفه
طول النهار على قدمي.وساكنه قانون جديد والعداد بتاع الكهربه بالسكن اللي انا فيه
بصفت اللبن مكسور
وعايز يتغير ومش قادره بحاول على اد ما اقدر امشي نفسي.
_____________________________________________________
طيب بتقولي أيه لمصر؟
والله يا أستاذه أنا بحب مصر وفخوره بشغلي ده مش بتكسف
ولا ولادي بيتكسفوا لاء مش أحسن من الحوجه ومد الأيد
والله بجد ومصر بتحبك وفخوره بكِ يا حاجه صفاء أنتِ وكل سيده مصريه
مجتهده ذيك.
______________________________________________________
الكلام معاكِ لذيذ وبسمتك الجميله دي وأن شاء الله نقدر
نحللك مشاكلك اللي في الشغل ولنا لقاء تاني معاكِ
ورمضان والعيد مقدماً سعيد عليكِ وعلى مصر كلها.
وعلي حضرتك يا أستاذه اشكرك
أحنا اللي بنشكرك يا حاجه صفاء في رعاية الله
في رعاية الله يا بنتي.
______________________________________________________
كتبته-الإعلاميه-حنان خلف أبوالوفا (حنان الشامي)
16-6-2018
السبت
ليست هناك تعليقات:
إرسال تعليق