شعر العامية
مساجله شعريه بعنوان ((دنيا دايره))) بين الشاعره حنان الشامي والشاعر طلعت
دنيا دايره
_____
حناندنيا دايره ولفه بينا
يوم بتضحك وتراضينا
يوم تجف دموع عينيا
والآسى مكتوب علينا
._________________________________________________
الشاعر طلعت
دنيا دايره ولفه بينا
لما نور الفجر هل
قاموا طفو نور عينينا
___________________________________________حنان
العذاب ده كاس وداير
شربه منه الفكر حاير
والقلوب عنيها تبكي
والهموم ذي الزكايب
________________________________
االشاعر طلعت
كله شارب من كيعانه
كله متكسر حيطانه
واللى واقف فينا لسه
همه فتح وف أوانه
___________________________________________________________
حنان
لما جيت ف يوم تصاحب
شفت واحد كان مصاحب
بس قلبه لك ده جاحد
لما عوزت منه خدمه
خد مصالحه وتانه ساحب
_______________________________________________________
الشاعر طلعت
الصحاب هى الصحاب
بس تايهه من العذاب
كله راسه تحت منه
والهموم دى ماصه دمه
كله متلخبط وداب
والصحاب وقت الحساب
بيبعدوا فوق السحاب
_________________________________________________________________
حنان
لو دخلتوا قلوب عذارى
الهوى مسكون ف حاره
والوشوش ورا الستاره
والقلوب ماتت خساره
واللي بايع مش شطاره
بكره هيشوف الآساوه
حنان
___________________________________________________________
__________
حنان
حنان
قول يا شاعر
يله أكتب
طلع اللي في القلوب
خلي فكرك يبكي يسرد
المشاعر بالحروف
دي الكتابه فيها راحتك
والآلم مفهوش كسوف
أصل دنيتنا.. دي آسيه
كلها حزن وخوف
كلها حزن وخوف
_____________________________________________________________________
الشاعر طلعت
مهما يكتب أو يقول
شعره هيموت ع الورق
احنا فى زمن المغول
كل عينهم ع المرق
و الكلام دا له أصول
انه ما يخاف لو نطق
_____________________
حنان
دنيا مسرحها بيسرح
والمشاهد فيها يضحك
لما تخلص الحكايه
للألم فكره هيرجع
والدموع هتسيل في عينه
والضمير اكيد هيصحى
_____________________________________
الشاعر طلعت
لفى بينا يا دنيا لفى
ادبحينا كمان وشفى
بس وانتى بتدبحينا
سنِّى حد السيف وخِفى
____________________________________________________________
حنان
طب يا دنيا جمعينا
اوعي يوم لتفرقينا
والا أيامك يا دنيا
بالحمول تتقل علينا
__________________________________________________________________
حنان
انقسم ضهر العذارى
والهموم مهش شطاره
ليه تخلي القلب يحزن
والدموع طعم المراره
_______________________________________________________________
الشاعر طلعت
ناس تعيش لكن حيارى
والهموم يدوب شراره
تبقى جوه القلب شرخ
لو تدوم ياميت خساره
_________________________________________________________________
حنان
مين يداوي جرح قلبي
والا يعرف مر صبري
الفراق مكنش ذنبي
غدرها دايما مهاره
_____________________________________________________
_____________________________________________________________
الشاعر طلعت
القلوب الغادره يمكن
ساكنه فى كل الأماكن
واللى قلبه ف يوم بيركن
جنب قلبى أكون له ساكن
_______________________________________________________________
حنان
الميراث فرق حبايب
صاحبه كان تعبان وهايب
كل قال عايز لنايب
نسيوا ان صاحبه غايب
والحياه فانيه وزايله
___________________________________________________________________
الشاعر طلعت
الميراث قطع وصال
دم كان ساكن وريد
زاد معاه حتى الفصال
أخ مات ساب له وليد
قطعوا كل الحبال
فى المحاكم نار تقيد
_____________________________________________________
حنان
واللسان عاجز وساكت
الوداد حباله دابت
الندم عمره ماينفع
اسم ابوه ف شهاده ثابت
لو هيهرب م الأخوه
الإله شايف وشاهد
لو لقى ف المال لقوه
بكره يبقى الجسم هالك
________________________________________________________
الشاعر طلعت
أخ واقف جنب أخوه
لما كان الأب بينهم
لما يوم الأب سابهم
العداوة جت ياهوو
والحريم زادت مابينهم
واللى كان زمان نسوه
لسه سامع من فلان
اخ بضرب أخوه علان
والغريب اللى مابينهم
دم ساكن من زمان
القلوب صبحت حجر
والشيطان ساكن بشر
سحره أكتر ع الودان
ناس تطبطب ع الغريب
والقريب يقلب عدو
خير بينقص من نصيب
كل أخ لأخوه عدو
______________________________________________________________
حنان
امته بس القلب يدفا
والبشر بنفوسه تصفى
والأخوه تدوم بقوه
والوئام هو الفتوه
لما تنصح حد منك
رده..راح زمن النبوه
_________________________________________________________
الشاعر طلعت
القلوب صبحت حجر
فين عقولكم يابشر
الضمير واخد أجازة؟
والَّا واقفين ع المطر!
_________________________________________
حنان
طب يا دنيا جمعينا
اوعي يوم لتفرقينا
والا أيامك يا دنيا
بالحمول تتقل علينا
______
تحرير واخراج صحفي -
-الصحفيه حنان خلف
(حنان الشامي )
_______________________
تبقى جوه القلب شرخ
لو تدوم ياميت خساره
الوسوم: شعر العامية
تسلم الانامل
ردحذف